یاشیل دامن ساری کوینک نه یاراشیر بو چوللره ال اوزادیر هردن کولک یئل دولاشیر بو چوللره **** بولبول چالیر نغمه سازین گوللر ائدیر عشوه نازین خوش گئیملی گولن یازین عطری داشیر بو چوللره ****** یاغیر دنه دنه یاغیش داغ دره لر ناخیش ناخیش الهام آلی بوردان باریش شعر قاریشیر بو چوللره *** yaşil damən sarı koynək nə yaraşır bu çöllərə əl uzadır hərdən kulək yel dolaşır bu çollərə **** bülbül çalır nəğmə sazın güllər edir eşvə nazın xoş geymli gülən yazın ətri daşır bu çollərə ****** yağır dənə dənə yağış dağ dərələr naxış naxış ilham alır burdan barış şer qarışır bu çollərə ************* ( heydar ebadi ( b

منی آلداتما سن ای چرخ فلک اینانمارام داها بو گلن یازا مین مین حیله ایله دون دگیشیرسن قانع اولورسان نه چوخا نه آزا ******** بیر چیچک آتیرسان باغ بوجاغینا باخیرسان قیسینیر خار قوجاغینا سالیرسان عاشیقی نار اوجاغینا معشوقی چکیرسن عشوه یه نازا ******** وورورسان اوره کدن آجی یارانی آلیرسان الیمدن سونرا چارانی قاتیرسان سئللره گلین سارانی چوبانلار دردینی داغ داشا یازا ******** باریشمارا سنله چوخدا باریش آم چوخلو سندن آجی زهر دادمیشام اوشویور اللریم یازیندا قیشام اینانمارام داها بو گلن یازا ***************************************************** Məni aldatma sən ey çərx fələk Inanmaram daha bu gələn yaza

بولودلارین ایسلاق گؤزلریندن سپیله جه یم یوخولارین کال رویالارینا سن یوخولو ایکن تام کوچه لرین توزونو آلاجاغام گؤزلرینی آچاندا تپ تزه اولاجاق سحر کند - شه ر شئح کیمی دوشه نه جم گوللرین ایپک دوداغینا بیر قیزین اللریندن قوخویاجاغام نملی ساچلارینا سوزه جه یم آچیشقالارین توتقون باخیشینا چیرپیناجاغام آغاجلارین باشینا بیر قوش یوواسیندان سالدیراجاغام گئجه لرین یوخوسینا یئنه آیلداجاغام کندی شه ری وایشیق دویغولو شئعیری دوغاجاغام قارانلیق مئیدانلارین اورتاسینا سنین ایچون سینه سی داغلی اوزگور یاشام حیدر عبادی ( یاریش ) **********************************************

آل قوجاغینا بیر ساز کیمی گؤزل دویونله اول نازیک تئللره منی غزل سوزولنده میظراب بارماقدان قافیه قیل ردیف شعرلره منی ********* دولاندیر سینه نده داغ دوشلرینده مست اولوم اوتانجاق اوپوشلرینده قیزارمیش سیمانین گولوشلرینده پروانه سان قیزیل گوللره منی ********* عشقیمیز قاینایب آشیب داشاندا سئوگیمیز داشلانیب اوره ک جوشاندا ساچلارینا نسیم هئی دولاشاندا قیسقاندیر اول اسن یئللره منی ********* محبتدیر عشقین ازلی - سونو هر کیمسه گئیئنمز بو گؤزل دونو ایستیرسن خوش اولسون عشقیمین سونو باغلا خوش دانیشان دیللره منی باریش ***************************************

اوره ییمه دوشوب لکه قاینا قاینا قارا چایدان یاریم گلیر بیر چای ایچه قاینا قاینا قارا چایدان ********* عشقیم اوره یمی کسیر ایچیمده فیرتینا اسیر گوروش واختی یار تله سیر قاینا قاینا قارا چایدان ******** کولک اسسین اوجاق یانسین ائله قاینا دوداق یانسین من یانمیشام اودا یانسین قاینا قاینا قارا چایدان ******** یارپیز ییغیب اتک دوتلو یئنیش یوووش ساغی سولو قاباغینا آلیب یولو قاینا قاینا قارا چایدان ********* یاریم قوناق منده قوناق باریش شاعیر شئعیر ساجاق گورلاندیردیم گور یاناجاق قاینا قاینا قارا چایدان *********************************************************************** Ürəyi

بو شه هر یالان بو دونیا یالان یاشایش سئرچه سئرچه اوچور عوموردن سحر قیرجان گونش آخشام ایتیر گؤزدن گوره ن بو گئجه کیمین قوجاغینا سیغینیب گونش الدوزلار هانسی ناحاق تویا چیتمیک چالیر آی ایسه هانسی خیانته قاشلارین آلیر کمان کمان کمان بو شه ر یالان سئوگینی یالان باغیریلار نفرتی یالان بوتون آرابالار یابانجی سیقناللار یالان یولومو دئییرم گوتومور منی گوتومورسنی بیزی ایکیمیزی گوتورمور بو شه ر اونومده پنجره لر قاپالی کوچه لر گیجه لیر گئجه لیر کوچه لر دووارلار سیمیت سیمیت سیمیت سیمیت دووارلار تانریجام چینینی دایا گؤزلریمه بارماقلاریمین آجیسی دیر

سنی خیاواندا اوپه جه یم یاساقلار دوراغیندا سسیز موسافیرلرین گؤزلرینین اونونده سنی باغریما باساجاغام شه هرین ان بویوک مئیدانیندا عشقه دیرکلر قورولاندا قوی ساچلاریندا مئه له نیم الیمی الینه آل خییاوان دولسو کوچه لرین ان بوروغوندا دیک دایان عشق دویوش مئیدانی بوتون یاساقلار یوزوله جک بوردا...... ....... ********************************************************* Səni Xiyavanda öpəcəyəm Yasaqlar dürağinda Səssiz müsafirlərin gözlərinin önündə Səni Bağrıma basacağam Şəhərin ən böyük meydaninda Eşqə Dirəklər qürülanda Qoy Saçlarinda mehlənim əlimi əlinə al xiyavan dolusu küçələrin ən buruğunda dik dayani eşq döyüş meydani bütün yasaql yüzüləcək burda.... ......